Félag verslunar og skrifstofufólks Akureyri og nágrenni

Kjarasamningar eru lausir í lok nóvember og nú stendur yfir vinna við kröfugerð hjá Landssambandi íslenskra verslunarmanna.  FVSA leggur áherslu á að félagsmenn hafi tækifæri til að taka þátt í að móta kjarakröfur og býður til Kjaraþings.

Kjaraþingið verður haldið fimmtudaginn 9. september á Hótel KEA frá kl. 19.00 til 22.00

Nauðsynlegt er að félagsmenn skrái sig til  þátttöku á fvsa@fvsa.is  eða í síma 462 1635 sem allra fyrst og í síðasta lagi þriðjudaginn 7. september n.k.

FVSA hvetur félagsmenn sína til þátttöku og að leggja sitt af mörkum til kröfugerðarinnar.

Gylfi Arnbjörnsson forseti ASÍ mun næsta mánuðinn gera víðreist um landið og hitta að máli stjórnir allra 53 aðildarfélaga Alþýðusambandsins. Ferðin hefst með fundi í Stykkishólmi og lýkur í Reykjavík þann 15. september. Gylfi mun funda með stjórn FVSA 1. september nk.

Umræðuefni fundanna verður annars vegar afmarkaðar tillögur að breytingum á skipulagi ASÍ og hins vegar mun forsetinn gera grein fyrir samskiptum Alþýðusambandsins við ríkisstjórn og SA á samningstímanum sem nú er að líða.Einnig má búast við að kröfugerð vegna komandi kjarasamninga komi til tals auk Evrópumála.

Jóna Steinbergsdóttir, fyrrverandi formaður Félags verslunar- og skrifstofufólks Akureyri og nágrenni, lést aðfaranótt 17. ágúst sl. 78 ára að aldri. Jóna var varaformaður félagsins árin 1979-1980 og formaður 1981-1998. Á aðalfundi félagsins árið 2000 var hún kosin heiðursfélagi FVSA.

FVSA sendir fjölskyldu Jónu innilegar samúðarkveðjur.