Ráðgjafar Virk – starfsendurhæfingarsjóðs eiga nú virka og árangursríkra samvinnu við einstaklinga sem eru á vinnumarkaði eða
hafa áhuga að fara á hann. Í þessu sambandi hefur verið góð samvinna við stéttarfélög, lífeyrissjóði,
Tryggingastofnun ríkisins, heilsugæslur, heilbrigðisstofnanir, félagsþjónustu og aðra starfsendurhæfingaraðila á svæðinu.
Í haust verður stigið nýtt skref í þjónustu Virk á Norðurlandi, þegar boðið verður námskeið fyrir þann
hóp sem dottið hefur út af vinnumarkaði vegna heilsubrests (þá sem eru á örorkulífeyri/endurhæfingarlífeyri eða í ferli
í þá átt).
Á námskeiðinu verður lögð áhersla á að skapa létt og skemmtilegt andrúmsloft, kynna mögulega starfendurhæfingu og
virknihvetjandi þjónustu á svæðinu ásamt leiðum til jákvæðs og árangurríks lífsstíls. Ennfremur verða
leiðir til úrvinnslu sálrænna áfalla kynntar ásamt sálfsstyrkingu og leiðum til endurkomu á vinnumarkað.
Um er að ræða 10 klst. námskeið (2 klst. á viku, í 5 vikur). Námskeiðið er við allra hæfi og mun fyrsta námskeiðið
verða haldið á Akureyri í húsnæði Einingar-Iðju, Skipagötu 14. Námskeiðið er þátttakendum að kostnaðarlausu og
hefst fimmtudaginn 22.september nk.kl. 14:00. Í framhaldinu er stefnt að samskonar námskeiðum á Húsavík, Siglufirði, Ólafsfirði,
Dalvík og víðar ef eftirspurn verður. Leiðbeinendur á námskeiðunum eru m.a. sérfræðingar Starfsendurhæfingar Norðurlands
ásamt ráðgjöfum Virk-starfsendurhæfingarsjóðs á Akureyri.
Undirritaðar veita góðfúslega allar frekari upplýsingar um námskeiðin. Skráning á námskeiðin er þegar hafin hjá
ráðgjöfum Virk á Norðurlandi.
Anna Guðný Guðmundsdóttir, anna@ein.is.
Elsa Sigmundsdóttir, elsa@ein.is
Nicole Kristjánsson, nicki@ein.is
Skipagötu 14, 600 Akureyri, s: 460 3600
