32. þingi Landsambands íslenzkra verzlunarmanna var fram haldið á Hótel Hallormsstað í morgun, 24. mars 2022, en því var frestað í október sl. vegna covid-19. Félag verslunar- og skrifstofufólks Akureyri og nágrennis (FVSA) á fjóra fulltrúa á þinginu
Það var formaður VR og LÍV, Ragnar Þór Ingólfsson, sem setti þingið í morgun. Að loknum hádegisverði leiddi Eiður Stefánsson, formaður FVSA, þingið inn í kjaramálaumræðu. Meðal helstu áherslna þingsins eru komandi kjaraviðræður og húsnæðismál. Þá flytur Ólafur Margeirsson, hagfræðingur, erindi um verðbólgu og verðþróun og Guðrún Johnsen, hagfræðingur, fjallar um lífeyrissjóði, fjárfestingar og ávöxtun.
Þingslit eru kl. 12:20 á morgun.