Síðasti skiladagur vegna styrkja er 27. des.
Við minnum félagsmenn á að síðasti skiladagur fyrir styrki á þessu ári er til 27. desember.
Sjúkrasjóður
Til að sækja um styrk vegna heilsueflingar s.s. fyrir líkamsrækt, sjúkraþjálfun, sálfræðiþjónustu eða heyrnatækjum getur þú annaðhvort:
- Komið með kvittun fyrir þjónustunni ásamt staðfestingu á greiðslu á skrifstofu félagsins eða;
- Tekið mynd eða skannað inn kvittun fyrir þjónustunni ásamt staðfestingu á greiðslu og sent á netfang félagsins fvsa@fvsa.is
Hámarksstyrkur til félagsmanna er samtals kr. 80.000,- kr. samkvæmt þrepi 1 og 36.000,- kr. samkvæmt þrepi 2 á hverju almanaksári. Nánari upplýsingar um styrki úr sjúkrasjóð má nálgast hér.
Starfsmenntasjóður
Til að sækja um starfsmenntastyrk, s.s. fyrir háskólanámi, framhaldsskólanámi, tungumálanámi, tölvunámskeiði, ökunámi eða starfstengdri sjálfsstyrkingu geta félagsmenn fyllt út rafræna umsókn hér. Félagsmaður með laun sem eru jöfn eða hærri en byrjunarlaun afgreiðslufólks á rétt á hámarksstyrk kr. 130.000 á hverju almanaksári, ef laun eru lægri er greitt hlutfall af styrknum. Greitt er allt að 90% af reikningi. Allar nánari upplýsingar um styrki úr Starfsmenntasjóð má nálgast hér.
Orlofsssjóður
Þeir félagsmenn sem fengu úthlutað Viku að eigin vali þurfa að skila inn reikningum fyrir 27. desember, að öðrum kosti fellur styrkurinn niður. Á reikningnum þarf að koma fram nafn og kennitala félagsmanns eða maka vegna flug- eða gistikostnaðar.
Við hvetjum félagsmenn til þess að hafa samband við skrifstofu félagsins ef spurningar vakna, síminn er 455-1050 og netfangið fvsa@fvsa.is