Við minnum á að umsóknarfrestur um orlofshús, útilegukort og viku að eigin vali fyrir sumarleigu 2021 er til 25. mars. Sótt er um á félagavefnum. Sumarleiga orlofshúsa er frá 2. júní til 20. ágúst 2021 en umsækjendur fá svar með tölvupósti um úthlutunina um mánaðamót mars/apríl.
Þeir sem fá úthlutað þurfa að greiða í síðasta lagi 12. apríl 2021.
Opnað verður fyrir lausar orlofsvikur sumarið 2021 og vetrarleigu 2021 til maí loka 2022 á félagavef þann 14. apríl kl. 12:00.
Vakin er athygli á því að helgarleiga í Skógarseli er nú frá fimmtudegi til sunnudags.
Orlofspunktar eru eingöngu notaðir við að forgangsraða umsóknum við sumarúthlutun. Félagsmenn ávinna sér einn punkt á mánuði.
Dæmi: Ef fleiri en einn félagsmaður sækir um sömu vikuna, fær sá félagsmaður úthlutað sem er með flesta punkta.
Þeir félagsmenn sem eru með mínus punkta geta fengið úthlutað ef enginn annar sækir um.
Fjöldi punkta | Hlutfall félagsmanna |
0-49 | 43% |
50-99 | 22% |
100-149 | 12% |
150-199 | 9% |
200 + | 14% |
Við hvetjum félagsmenn til þess að hafa samband ef þeir hafa einhverjar spurningar.