Leiga orlofshúsa

Áður en þú bókar 

Félagsmaður þarf að vera með réttar upplýsingar skráðar á persónublað til að geta leigt orlofseign. Til að uppfæra upplýsingarnar þarf að skrá sig inn á  Mínar síður á félagavefnum með rafrænum skilríkjum. 

Því næst þarf að skruna niður að Aðgerðir og velja þar Breyta persónuupplýsingum. 

Gæta þarf að því að fylla út rétt netfang og símanúmer. Einnig er gott að skrá inn bankareikning félagsmanns upp á styrki og endurgreiðslur að gera. Áður en haldið er áfram þarf að ýta á bláan Vista hnapp neðst.  

Ekki hika við að hafa samband ef þú ert í vandræðum með að vista persónuupplýsingarnar þínar. 

Leiguverð

Um leið og auglýst er fyrir opnun á umsóknum um sumarúthlutun er gefin út verðlisti fyrir leigu frá sumarbyrjun og fram á vor næsta ár. Leiguverð fyrir sumarið 2026 og veturinn 2026-2027 er eftirfarandi: 

Bókunarleiðbeiningar 

Til að bóka orlofseign skráir félagsmaður sig inn á Mínar síður á félagavefnum.  

Efst í valstiku er lítið merki með húsi þar sem stendur Orlofskerfi.

Þegar klikkað er á það opnast yfirlit yfir framboð orlofshúsa. Hægt er að velja tímabil á dagatalinu efst til vinstri. Einnig er hægt að sía eftir svæði og stærðum orlofseigna. Efst birtist litastika sem útskýrir hvað hver litur í framboðsdagatali stendur fyrir.

Til að bóka orlofseign er klikkað á upphafsdag leigu í framboðsdagatali, við það opnast gluggi og í honum er fellilisti þar sem lokadagur leigu er valinn. Því næst er haldið áfram í greiðsluferli þar sem leiga er staðgreidd með korti.

Lengd leigu: 

Sumar - allar eignir eru í vikuleigu, misjafnt er hvort skiptidagur sé á miðvikudegi eða föstudegi. 

Vetur: 

• Íbúðir í Reykjavík: helgarleiga eru frá föstudegi til mánudags. Hægt er að bæta við nóttum framan og aftan á helgarleigu. Hægt er að leigja staka daga í miðri viku eða allt að fjórar nætur samfleytt frá mánudegi til föstudags. 
• Skógarsel í Vaglaskógi: helgarleiga er frá fimmtudegi til mánudags. Hægt er að bæta við nóttum framan og aftan á helgarleigu. Hægt er að leigja staka daga í miðri viku eða allt að þrjár nætur samfleytt frá mánudegi til fimmtudags.
• Gráhraun á Húsafelli: er í vikuleigu frá miðvikudegi til miðvikudags 
• Illugastaðir: helgarleiga er frá föstudegi til mánudags. Hægt er að bæta við nóttum framan og aftan á helgarleigu. Hægt er að leigja staka daga í miðri viku eða allt að fjórar nætur samfleytt frá mánudegi til föstudags.

Sex mánaða bókunargluggi utan sumarúthlutunartímabils

Orlofseignir FVSA eru núna leigðar sex mánuði fram í tímann, að sumarúthlutun undanskilinni. Því verður ekki opnað á fyrstur kemur fyrstur fær fyrir vetrarleigur á ákveðnum degi, heldur opnar kerfið á bókanir sex mánuði fram í tímann. Ef félagsmaður ætlar t.d. að bóka orlofsíbúð 4.-7. desember, þá opnast fyrir bókun á því tímabili sex mánuðum fyrr, að lokadegi leigu meðtöldum. Þannig getur félagsmaður bókað dvöl í orlofsíbúð 4.-7. desember þann 7. júní.

Til að sjá enda bókunartímabils sem er opið þarf að velja síðasta mögulega dag á dagatalinu efst til vinstri.

Þá birtast tæplega þrjátíu bókunardagar við á bókunarlínunni og dagurinn sem birtist lengst til hægri er þá síðasti upphafsdagur leigu. 

Ef hann er valinn opnast bókunargluggi þar sem lokadagur leigu er valinn í fellilista. 

Fjöldi gistinátta per. félagsmann

Félagsmaður getur verið skráður fyrir allt að sjö gistinóttum í Mánatúni (orlofsíbúð) og sjö gistinóttum í orlofshúsi (sumarhúsi) á hverju sex mánaða tímabili. Ef félagsmaður á t.d. bókaða helgarleigu frá 6.-9. febrúar (þrjár gistinætur) í Mánatúni á hann eftir fjórar gistinætur næstu sex mánuði í Mánatúni og sjö gistinætur í einhverju af sumarhúsum félagsins. Um leið og helgarleigan í febrúar er liðin bætast þessar þrjár nætur aftur við bókunarheimild félagsmanns. Athugið að sumarúthlutun orlofshúsa er undanskilin þessum reglum og telur hvorki við úthlutun né hefur úthlutunin áhrif á bókunarheimild félagsmanns.