Sjúkraíbúð
Sjúkrasjóður Félags verslunar- og skrifstofufólks Akureyri og nágrenni á og rekur íbúð 309 í Mánatúni 13. Íbúðin er leigð félagsfólki sem þarf að sækja læknisþjónustu í Reykjavík.
Um er að ræða þriggja herbergja íbúð í fjölbýlishúsinu Mánatúni 13, 105 Reykjavík. Íbúðin er í lyftuhúsi með bílastæði í bílakjallara. Í íbúðinni er gott aðgengi fyrir hjólstóla bæði á snyrtingu og í svefnherbergjum. Íbúðin er miðsvæðis, stutt er í alla helstu þjónustu eins og verslun, apótek o.fl.
Hægt er að bóka íbúðina með því að hringja á skrifstofuna í síma 455-1050 eða senda tölvupóst á fvsa@fvsa.is
Praktísk atriði
Skilyrði fyrir leigu
Óskað er eftir staðfestingu á læknisheimsókn við skil á lyklum
Helstu upplýsingar um íbúðina
Lyklar: Afhendast á skrifstofu FVSA.
- Íbúðin er 125 fm
- Svefnpláss fyrir 5 manns, sængur og koddar fyrir 6 manns
- Rúmföt og lök fylgja sjúkraíbúðinni, en leigjandi þarf að taka með sér handklæði
- Eitt svefnherbergi með 180*200 cm rúmi
- Koja þar sem neðri dýna er 140*200 og efri 90*200
- Barnarúm, barnasæng og -koddi og barnastóll
- Sjónvarp, útvarp og myndlykill frá Símanum með grunnáskrift
- Þvottavél, þurrkari og uppþvottavél
- Hjálparhandföng til þess að setja á veggi við klósett og í sturtu eru í skúffu inni á baðherbergi
- Rafmagns hægindastóll sem bæði er hægt að halla vel aftur og aðstoðar fólk við að standa upp er í stofu
Það sem fólk þarf sérstaklega að taka með sér:
Handklæði
Reglur um umgengni
- Íbúðin er reyklaus
- Ekki er leyfilegt að hafa gæludýr í íbúðinni
- Leigjandi þarf ekki að ryksuga, skúra eða þrífa baðherbergi en þurrka þarf af öllum borðum, stólum, bekkjum og öðrum yfirborðum og ganga frá öllu á sinn stað. Einnig þarf að muna að fara út með rusl en ruslageymsla er staðsett við hlið inngangs í Mánatún 13.
- Taka þarf rúmfatnað og lök af rúmum og setja í körfu inni í þvottahúsi.
Skiptidagar
Íbúðin er leigð eftir samkomulagi og þörfum hvers og eins. Leigjendur sem fara inn á föstudegi eru þó bundnir því að leigja íbúðina fram á sunnudag.
Dvöl í sjúkraíbúð fyrir félagsfólk sem greinist með krabbamein
Félagsmaður (maki eða börn hans upp að 18 ár aldri) sem greinist með krabbamein og þarf að sækja meðferð til Reykjavíkur getur dvalið í sjúkraíbúð félagsins í allt að tvær vikur sér að kostnaðarlausu
Bílastæði
Bílastæði í bílakjallara fylgir með íbúðinni og er númer stæðisins merkt á lyklakippu.
Félagið á að auki tvö bílastæði í bílakjallara þar sem hægt er að hlaða rafmagnsbíla, nánari upplýsingar er hægt að fá á skrifstofu þegar lyklar eru afhentir.
- Notendur þurfa að hafa með eigin kapal til að tengja við stöðina
- Athugið að þessi tvö stæði eru einungis hugsuð sem hleðslustæði, um leið og biðfreið er fullhlaðin skal færa hana svo aðrir komist að
Umsjón með íbúðinni hefur FVSA sími 455 1050. Í neyðartilfellum er hægt að hafa samband við starfsfólk FVSA sjá upplýsingar hér.