Vinnutími barna & unglinga

Eftirfarandi ákvæði eiga almennt við um vinnu barna og unglinga:

Unglingar á aldrinum 15-17 ára mega vinna flest störf nema þau sema teljast hættuleg eða líkamlega mjög erfið. Þeir mega ekki vinna með hættuleg efni eða vélar.

• Börn á aldrinum 13-14 ára mega vinna létt og hættulaus störf eins og t.d þjónustustörf.

• Börn yngri en 13 ára mega ekki vinna langan tíma á hverjum degi og þá aðeins við mjög létt störf eins og t.d. við menningu, listir og íþróttaviðburði. 

• Næturvinna barna og unglinga er bönnuð.

• Samkvæmt lögum eiga börn og unglingar (fram til 18 ára aldurs) að fá tvo frídaga í viku.

• Vinna barna og unglinga skal fara fram undir eftirliti einstaklings sem er orðinn 18 ára.

Vinnutími unglinga 15-18 ára

• Vinnutími má vera 8 klst. á dag eða 40 klst. á viku á þeim tíma þegar skóli er ekki.

• Á skóladegi mega 15 ára unglingar vinna 2 klst. á dag eða 12 klst. á viku að hámarki.

• Unglingar mega aldrei vinna frá kl. 24:00-04:00.

• Hvíldartími unglinga er 12-14  klst. á sólarhring,  (14 klst. fyrir 13-14 ára og fyrir 15 ára börn í skyldunámi en 12 klst. fyrir unglinga 15-17 ára).