Sjúkradagpeningar

Sjúkrasjóður FVSA greiðir sjúkradagpeninga í veikinda- og slysaforföllum að loknum greiðslum frá atvinnurekanda skv. veikinda- og slysaréttarákvæðum kjarasamninga.

Að sækja um sjúkradagpeninga

Til að sækja um sjúkradagpeninga þarf félagsmaður að skrá sig inn á Mínar síður með rafrænum skilríkjum og fylla út umsókn í sjúkrasjóð. Sjá upplýsingar um innskráningu og útfyllingu umsókna hér.

Fylgigögn

Afrit af læknisvottorði sem fylgiskjali með umsókninni.
Afrit af vottorði atvinnurekanda

Vottorð atvinnurekanda - útfylliskjal

Sjúkradagpeningar eru greiddir samkvæmt eftirfarandi reglum:

Sjóðsfélagar fá greidda dagpeninga í veikinda- og slysaforföllum í 120 daga (4 mánuði) að loknum greiðslum skv. veikinda- og slysaréttarákvæðum kjarasamninga. Umsókn um sjúkradagpeninga þarf að berast fyrir 25. hvers mánaðar til þess að hún sé afgreidd um mánaðarmót.

Dagpeningar nema 80% af meðaltali þeirra heildarlauna sem iðgjald hefur verið greitt af á síðustu 6 mánuðum. Hámark dagpeninga er 1.200.000 kr. miðað við 100% óvinnufærni.

Sjóðsfélagar fá greidda dagpeninga í 120 daga (4 mánuði) að loknum kjarasamningsbundnum greiðslum launagreiðanda vegna langveikra og alvarlega fatlaðra barna.

Sjóðsfélagar fá greidda dagpeninga í 120 daga (4 mánuði) vegna mjög alvarlegra veikinda maka.

Dagpeninga skv. 12.1, 12.2 og 12.3 er heimilt að miða við meðaltal heildarlauna á síðustu 12 mánuðum í stað síðustu 6 mánaða, hafi tekjur sjóðfélaga breyst verulega til hækkunar eða lækkunar á viðmiðunartímabilinu. Jafnframt er heimilt að ákveða hámark dagpeninga skv. 12.1, 12.2 og 12.3

Dagpeningar vegna meðferðar á endurhæfingarstöðvum S.Á.Á. eða sambærilegum stofnunum, eru greiddir samkvæmt tilheyrandi vottorðum einu sinni í allt að 42 daga á hverjum þremur árum m.v. almanaksárið og greiðast að lokinni fullri meðferð.

Við hvetjum félagsfólk til þess að hafa samband við skrifstofu félagsins í gegnum síma 455-1050 eða fvsa@fvsa.is ef það hefur spurningar varðandi sjúkradagpeninga.