Stjórn Félags verslunar- og skrifstofufólks Akureyri og nágrenni (FVSA) hefur tekið þá ákvörðun að endurgreiða þeim félagsmönnum sem keyptu inneignarbréf Niceair í gegnum félagið en gátu ekki nýtt þau vegna gjaldþrots Niceair.
Hægt verður að sækja um endurgreiðslu á inneignarbréfum til og með 31. ágúst 2023.
Athugið að félagið endurgreiðir aðeins þau inneignarbréf sem ekki hafa fengist bætt í gegnum tryggingar umsækjanda.
Til að sækja um endurgreiðslu vinsamlegast fyllið út eftirfarandi reiti:
Vinsamlegast hengið við afrit (ljósmynd eða skannað) af inneignarbréfum.
Vinsamlegast athugið að félagið áskilur sér rétt til þess að óska eftir staðfestingu frá tryggingarfélagi umsóknaraðila um að viðkomandi hafi ekki fengið tap sitt bætt hjá þeim.
Reikna má með að endurgreiðsla berist inn á reikning félagsmanns eigi síðar en 30 dögum eftir að fullnægjandi gögnum hefur verið skilað til félagsins.
