Varst þú að vinna um páskana?
Við minnum þá félagsmenn sem unnu á frí- og stórhátíðardögum um páskana að fara yfir launaseðlana sína og ganga í skugga um að laun hafi verið greidd skv. réttum launataxta.
Starfsfólk á að halda föstum og reglubundnum launum á skilgreindum frí- og stórhátíðardögum. Samþykki starfsfólk að taka að sér vinnu á þessum dögum skal greiða sérstaklega fyrir þá vinnu, til viðbótar við greiðslu fyrir fastan og reglubundinn vinnutíma.
Frídagar í apríl
Á frídögum (skírdag, annan í páskum og sumardaginn fyrsta) greiðist eftirvinna eða yfirvinna eftir því sem við á.
Starfsmaður sem t.d. á vakt/vinnutíma á frídegi þar sem vinnuveitandi velur að hafa lokað á rétt á að fá tímana greidda í dagvinnu. Sinni starfsmaður vinnu á frídegi fær hann unna tíma greidda í eftirvinnu eða yfirvinnu eftir því sem við á.
Starfsmaður sem á t.d. átta tíma vakt samkvæmt vaktaplani á frídegi en vinnur aðeins sex tíma vegna styttri opnunartíma, fær þá unna tíma greidda í eftirvinnu eða yfirvinnu eftir því sem við á auk átta tíma í dagvinnu.
Stórhátíðardagar í apríl
Á stórhátíðardögum (föstudagurinn langi og páskadagur) greiðist stórhátíðarálag.
Sá starfsmaður sem sinnir störfum á þessum dögum fær dagvinnutíma (skv. vaktaplani/umsömdum vinnutíma) greidda auk þeirra tíma sem unnir eru á stórhátíðardegi á stórhátíðarálagi.
Aðrir frí- og stórhátíðardagar á árinu
Frídagar:
- 1. maí
- Uppstigningardagur
- Annar í hvítasunnu
- Annar í jólum
Stórhátíðardagar:
- Nýársdagur
- Hvítasunnudagur
- 17. júní
- Frídagur verslunarmanna
- Jóladagur
- Eftir kl. 12:00 á aðfangadag og gamlársdag
Leitaðu til okkar!
Ef þið hafið einhverjar spurningar þá er ykkur velkomið að hafa samband í síma 4551050, senda línu á fvsa@fvsa.is eða líta við á opnunartíma.