Kæru félagsmenn,
Búið er að opna fyrir umsóknir um leigu orlofshúsa og Viku að eigin vali fyrir sumarið 2024.
Umsóknarfrestur um orlofshús er til 25. mars!
Gagnlegir punktar:
- Umsóknarfrestur er til og með mánudeginum 25. mars
- Sótt er um á félagavefnum
- Sumarleigutímabilið er frá 5. júní til 16. ágúst 2024
- Við minnum félagsfólk á að skrá netfang sitt inni á félagavefnum undir Stillingar > Notandaupplýsingar
- Umsækjendur fá svar með tölvupósti varðandi úthlutunina um mánaðamótin mars/apríl
- Þau sem fá úthlutað þurfa að greiða fyrir leiguna í síðasta lagi 10. apríl 2024
- Opnað verður fyrir lausar orlofsvikur sumarið 2024 og vetrarleigu 2024 til maí loka 2025 á félagavefnum þann 16. apríl kl. 18:30 (betur auglýst síðar)
- Útilegukortið og Veiðikortið verða til sölu á skrifstofu félagsins með vorinu.
Félagsfólki er bent á að senda fyrirspurnir varðandi orlofsúthlutunina á fvsa@fvsa.is eða hringja í síma 455-1050
Orlofspunktar
Staða orlofspunkta forgangsraðar umsóknum við sumarúthlutun. Félagsfólk sem er með laun jöfn eða hærri en byrjunarlaun afgreiðslufólks ávinna sér tvo orlofspunkta á mánuði, félagsfólk sem er þar undir ávinnur sér einn orlofspunkt.
- Dæmi: Ef fleiri en einn félagsmaður sækir um sömu vikuna, fær sá félagsmaður úthlutað sem er með flesta orlofspunkta.
- Það félagsfólk sem er með mínus punkta getur fengið úthlutað ef enginn annar sækir um sama orlofshús/tímabil.
Punktastaða félagsmanna FVSA í 15. janúar 2024:
- 434 félagsmenn eiga meira en 200 orlofspunkta
- 233 félagsmenn eiga 150 til 200 orlofspunkta
- 391 félagsmenn eiga 100 til 150 orlofspunkta
- 505 félagsmenn eiga 50 til 100 orlofspunkta
Við hvetjum félagsfólk til þess að hafa samband ef þið hafið einhverjar spurningar.