Opnað fyrir umsóknir um sumarúthlutun
Kæra félagsfólk,
Búið er að opna fyrir umsóknir um leigu orlofshúsa og Viku að eigin vali fyrir sumarið 2026.
Umsóknarfrestur um orlofshús og Viku að eigin vali er til og með 23. mars!
Gagnlegir punktar:
- Sótt er um á félagavefnum
- Sumarleigutímabil orlofshúsa er frá 3. júní til 28. ágúst 2026 (einhverjar eignir eru á skemmra tímabili)
- Umsækjendur fá svar með tölvupósti varðandi úthlutunina
- Við minnum félagsfólk á að staðfesta netfang sitt inni á Mínum síðum á félagavefnum og færa inn rétt símanúmer
- Þau sem fá úthlutað þurfa að greiða fyrir leiguna í síðasta lagi 7. apríl 2026
- Opnað verður fyrir lausar orlofsvikur sumarið 2026 þann 9. apríl kl. 12:00.
Að sækja um sumarúthlutun 2026
Á persónublaðinu inni á Mínum síðum er yfirlit yfir orlofssjóðinn. Til að sækja um sumarúthlutun þarf að ýta á Sækja um:
Við það opnast valmynd sem lítur svona út:
Til að sækja um úthlutun þarf að:
1. Velja úthlutunarhóp: hér velur þú það orlofshús em þú vilt sækja um eða Orlof að eigin vali
2. Tímabil: hér velur þú það tímabil sem þú vilt sækja um eða Orlof að eigin vali. Athugaðu að allar sumarleigur eru vikuleigur og að sumarleigutímabilið er mislangt á milli eigna
3. Veldu herbergjafjölda: hér þarf að velja herbergjafjölda í flettilistanum. Þegar sótt er um úthlutun í Reykjavík birtast þrír möguleikar en fyrir aðrar orlofseignir bara einn möguleiki, en enginn fyrir Orlof að eigin vali.
4. Til að sækja um þarf að ýta á bláa hnappinn Sækja um. Hver félagsmaður getur sótt um þrjá úthlutunarmöguleika
Að forgangsraða og breyta umsókn
Þegar þú ert búin/n/ð að færa inn umsóknirnar þínar þá birtast þær neðan við umsóknarvalmyndina. Sú umsókn sem að er merkt með forgang 1 er sú sem þú hefur mestan áhuga á að fá úthlutað (aðalumsókn). Þar fyrir neðan birtist lykill sem sýnir þær aðgerðir sem þú getur notað til þess að forgangsraða og breyta umsóknum.
Til að breyta umsókn, t.d. tímabili, þá ýtir þú á bláa hnappinn og færð þá upp glugga þar sem þú getur breytt forsendum og ýtt svo á Vista. Hægt er að nota örvarnar upp/niður til að breyta forgangsröðum umsókna. Ef þú vilt eyða einni umsókn eða öllum þá ýtir þú á rauða hnappinn aftan við þá umsókn sem þú vilt eyða út.
Úthlutun
- Síðasti dagur til að sækja um orlofshús er til og með mánudeginum 23. mars.
- Fjöldi orlofspunkta stýrir úthlutun
- Umsækjendur fá svar með tölvupósti varðandi úthlutunina
- Þau sem fá úthlutað þurfa að greiða fyrir leiguna í síðasta lagi 7. apríl
- Opnað verður fyrir lausar orlofsvikur sumarið 2026 þann 9. apríl kl. 12:00
Sex mánaða bókunartímabil í stað vetrarleigu
Orlofseignir FVSA eru núna leigðar sex mánuði fram í tímann, að sumarúthlutun undanskilinni. Því verður ekki opnað á fyrstur kemur fyrstur fær fyrir vetrarleigur á ákveðnum degi, heldur opnar kerfið á bókanir sex mánuði fram í tímann. Ef félagsmaður ætlar t.d. að bóka orlofsíbúð 4.-7. desember 2026, þá opnast fyrir bókun á því tímabili sex mánuðum fyrr, að lokadegi leigu meðtöldum. Þannig getur félagsmaður bókað dvöl í orlofsíbúð 4.-7. desember þann 7. júní. Núna í lok febrúar opnast því fyrir bókanir á leigum í lok ágúst og svo koll af kolli.
Fjöldi gistinátta per. félagsmann
Félagsmaður getur verið skráður fyrir allt að sjö gistinóttum í Mánatúni (orlofsíbúð) og sjö gistinóttum í orlofshúsi (sumarhúsi) á hverju sex mánaða tímabili. Ef félagsmaður á t.d. bókaða helgarleigu frá 6.-9. febrúar (þrjár gistinætur) í Mánatúni á hann eftir fjórar gistinætur næstu sex mánuði í Mánatúni og sjö gistinætur í einhverju af sumarhúsum félagsins. Um leið og helgarleigan í febrúar er liðin bætast þessar þrjár nætur aftur við bókunarheimild félagsmanns. Athugið að sumarúthlutun orlofshúsa er undanskilin þessum reglum og telur hvorki við úthlutun né hefur úthlutunin áhrif á bókunarheimild félagsmanns.
Félagsfólki er bent á að senda fyrirspurnir varðandi orlofsúthlutunina á fvsa@fvsa.is eða hringja í síma 455-1050