Gildandi kjarasamningar
Félag verslunar- og skrifstofufólks Akureyri og nágrenni skrifuðu undir kjarasamning við Samtök atvinnulífsins (SA) mánudaginn 12. desember 2022 og undir samsvarandi samning við Félag atvinnurekanda (FA) þriðjudaginn 13. desember. Samningarnir eru framlenging á Lífskjarasamningnum að því leyti að aðeins var samið um hækkun á launaliðum í nýju samningunum.
Nýundirrituðum samningum er ætlað að styðja við kaupmátt launa, veita heimilum og fyrirtækjum fyrirsjáanleika og skapa forsendur fyrir langtímasamningi.
Samningarnir fela í sér umtalsverða breytingu á launatöflum (sjá nýja launatöflur hér: FVSA/LÍV og SA og FVSA/LÍV FA) og almenna launahækkun upp á 6,75% frá 1. nóvember 2022 þó að hámarki 66.000,- kr. Kjaratengdir liðir kjarasamningsins hækka um 5,0% frá 1. nóvember nema um annað hafi verið samið.
Desemberuppbót fyrir almanaksárið 2023 miðað við fullt starf verður 103.000,- kr. og orlofsuppbót fyrir orlofsárið 1. maí 2023 til 30. apríl 2024 miðað við fullt starf verður 56.000,- kr.
Gildistími samningsins er frá 1. nóvember 2022 til 31. janúar 2024.
- Kjarasamningur LÍV og SA 1. apríl 2019 - 1. nóvember 2022
- Kjarasamningur LÍV og FA 1. apríl 2019 - 1. nóvember 2022
- Viðbætur við kjarasamning LÍV og SA í PDF hér.
- Viðbætur við kjarasamning LÍV og FA í PDF hér.
- Sjá lífskjarasamninginn í PDF hér.
- Sjá sérkjarasamning starfsfólks í afþreyingar- og ferðaþjónustu
Nánar upplýsingar um samninginn:
Þarftu aðstoð
Ef þú þarft aðstoð við að skilja kjarasamninginn eða vilt setja hann í samhengi við þinn launaseðil þá erum við þér innan handar. Þjónustufulltrúar okkar eru til taks á opnunartíma skrifstofunnar, einnig er hægt að hafa samband í síma 455-1050 eða í gegnum fvsa@fvsa.is