Íbúð á Costa Blanca, Spáni
Innifalið
Ekki innifalið
*Athugið að umsóknartímabil fyrir Villamartín á Spáni fyrir sumarið 2024 er lokið*
Félagsmenn geta nú bókað íbúð í nýlegu þriggja hæða fjölbýlishúsi á Spáni, Villamartín Soleil, sumarið 2024. Íbúðin er í bæjarfélaginu Orihuela, í hverfi sem heitir Villa Martin. Rétt tæplega klukkutíma akstur er frá flugvellinum á Alicante að húsinu.
Um er að ræða rúmgóða íbúð á jarðhæð í fjölskylduvænum, afgirtum íbúðakjarna með flottri útiaðstöðu, verönd beggja vegna og aðgengi að sameiginlegu, niðurgröfnu sundlaugasvæði á næstu hæð fyrir neðan íbúðina. Lyfta og gott hjólastólaaðgengi er í íbúðakjarnanum. Um tuttugu mínútna akstur er niður á strönd.
Í hjónaherberginu er hjónarúm, góður fataskápur og sér baðherbergi með sturtu, útgengt er út á verönd frá hjónaherberginu. Í gestaherbergi er hjónarúm, góðir fataskápar og hægt að ganga út á verönd. Gestabaðherbergi er með salerni, vask og góðri sturtu.
Í björtu alrými er stofa með svefnsófa og borðstofa með samliggjandi eldhúsi sem er búið öllum helstu áhöldum til matargerðar. Úr alrýminu er útgengt um rennihurð út á stóra verönd með borði, stólum, sófasetti, sólbekkjum, gasgrilli og góðri aðstöðu til að njóta blíðunnar.
Svefnaðstaða fyrir 6 manns
- Hjónarúm x2, svefnstæði fyrir 4
- Svefnsófi í alrými, svefnstæði fyrir 2
Praktísk atriði
Baðhandklæði fylgja leigu, en gestir eru þó beðnir um að koma með sín eigin handkæði til sólbaða og til að taka með á ströndina. Mappa er í íbúð með upplýsingum um húsreglur og öðrum hagnýtum upplýsingum sem tengjast íbúðinni.
- Opið verður fyrir bókanir frá kl. 12:00 á hádegi mánudaginn 16. október til kl. 12:00 á hádegi 31. október og gildir þá fyrstur kemur fyrstur fær
- Leigutímabilið er 30. apríl til 27. ágúst 2024
- Hægt er að leigja eina eða tvær samfelldar vikur
- Þrif eru innfalin í leiguverði, en leigjandi skal skilja vel við.
- Staðfestingargjald per. viku er 30.000,- kr., og greiðist við bókun og er ekki endurgreiðanlegt
- Leigjendur frá greiðsluseðil í heimabanka fyrir leiguupphæðinni (að frádregnu staðfestingargjaldi). Eindagi á lokagreiðslu er 2. apríl 2024.
- 36 orlofspunktar eru dregnir af félagsmanni við leigu
- Leiga per. viku er:
- Maí: 70.000,- kr
- Júní - ágúst: 120.000,- kr.
- Skiptidagar eru á þriðjudögum
- Skila þarf íbúðinni kl. 11:00 á brottfaradegi
- Leigutakar geta farið inn í íbúðina kl. 15:00 á komudegi
- Öryggismyndavélar eru í sameign
- Bannað er að reykja innandyra, í sameign og á sundlaugarsvæði, þetta á einnig við um veip.
Staðsetning og vegalengdir
- Heimilisfang Villamartin Soleil íbúðakjarnans er: C. Madame Butterfly, 24, 03189 Orihuela, Alicante, Spain, íbúðin er númer 816. Best er að fylgja veg nr. N-332 frá flugvellinum á Alicante.
- Ef gestir kjósa að vera án bílaleigubíls er hægt að panta akstur frá flugvelli í gegnum https://spann.is/akstur/
- Í um fimm mínútna keyrslu frá íbúðinni er þjónustukjarninn „Villa Martin Plaza“ þar sem finna má vinsæla veitingastaði, bari, apótek og aðra þjónustu: www.villamartinplaza.com
- Villamartin golfvöllurinn, 18 holur par 72 völlur, er í fimm mínútna keyrslu frá íbúðinni. Erfiður völlur í hæðóttu landslagi sem reynir mjög á hæfni golfarans og er óhætt að segja að það þurfi að nota allar kylfurnar í pokanum. Þessi völlur hefur verið notaður á Evrópsku mótaröðinni og er hannaður af Robert Dean Puttman
- Matvöruverslanir:
- Víða eru litlar matvöruverslanir þar sem hægt er að nálgast grunnvörur, það er t.d. matvöruverslun í Villamartin Plaza kjarnanum
- Supermercado Dialprix er í um 3km fjarlægð: Ctra. de Villamartín, S/N, 03189 Los Dolses, Alicante
- Aldi er í um 2km fjarlægð: C. Ontario, 2, 03189 Orihuela, Alicante
- Zenia Boulevard verslunarmiðstöðin er í um 5km fjarlægð frá íbúðinni - bílferð getur tekið allt að 20 mínútur
- La Zenia ströndin er í um 5 km fjarlægð frá íbúðinni - bílferð getur tekið allt að 20 mínútur
- Torrevieja ströndin er í um 6 km fjarlægð frá íbúðinni - bílferð getur tekið allt að 20 mínútur
