Mánatún 1 - 302
Innifalið
Ekki innifalið
Tveggja herbergja íbúð í Mánatúni 1, á þriðju hæð. Íbúðin er nýleg og vel búnin. Eitt svefnherbergi eru í íbúðinni, rúmgóð stofa, vel búið eldhús með uppþvottavél, baðherbergi með sturtu og þvottahúsi með þvottavél og þurrkara. Gistiaðstaða er fyrir tvo einstaklinga í íbúðinni.
- Reyklaus íbúð (á líka við um veip)
- Gæludýr eru ekki leyfð í íbúðinni
- Vakin er athygli á því að eftirlitsmyndavélar eru í sameign
- Ekki er boðið upp á leigu á rúmfatnaði
Leigjandi þarf ekki að ryksuga, skúra eða þrífa baðherbergi en þurrka þarf af öllum borðum, stólum og því um líku, einnig að ganga frá öllu á sinn stað. Sé illa gengið frá kemur til aukakostnaður á leigjanda.
Vetur / Skiptidagar: Leigjandi á rétt á að koma til dvalar í íbúðina eftir kl. 17. á upphafsdegi leigu. Íbúðin skal rýmd eigi síðar en kl. 13. á brottfarardag.
Sumar / Skiptidagar: Íbúðirnar eru leigðar í viku í senn yfir sumartímann og skipt á miðvikudögum. Íbúðirnar eru til afhendingar kl. 17 en dvalargestir þurfa að skila íbúðunum kl. 13 á skiptidögum.
Að gefnu tilefni viljum við benda leigendum á að ALLT rusl verður að fara inn í ruslageymslu sem eru staðsett við innkeyrslu í bílakjallarann, lykill af ruslageymslu er á lyklakippunni ásamt húslykli, aðgangsdropa og fjarstýringu af bílageymslu.
Bílastæði
Bílastæði í bílakjallara fylgir með íbúðinni og er númer stæðisins merkt á lyklakippu.
Félagið á að auki tvö bílastæði í bílakjallara þar sem hægt er að hlaða rafmagnsbíla, nánari upplýsingar er hægt að fá á skrifstofu þegar lyklar eru afhentir.
- Notendur þurfa að hafa með eigin kapal til að tengja við stöðina
- Athugið að þessi tvö stæði eru einungis hugsuð sem hleðslustæði, um leið og biðfreið er fullhlaðin skal færa hana svo aðrir komist að
Rétt er að minna á að 20 ára aldurstakmark er á leigu íbúðanna, miðað er við afmælisdaginn.
Umsjón með íbúðinni hefur FVSA sími 455 1050. Í neyðartilfellum er hægt að hafa samband við starfsfólk FVSA sjá upplýsingar hér.
Önnur orlofshús á svæðinu
